चर्चित कम्पनी वाल्ट डिज्नीले नौ दशमलव पाँच मिलियन डलर जरिवाना तिर्ने भएको छ । क्यालिफोर्नियामा रहेको डिज्नील्याण्डको म्याजिक की बाफत सदस्यता लिएका ग्राहकहरुले २०२१ मा घुम्न जाँदा उचित समयमा पार्किङ नपाएको भन्दै सो कम्पनीलाई मद्दा हालेका थिए । जसमा सो कम्पनीले ९५ लाख डलर जरिवाना तिर्नुपर्ने भएको छ ।

म्याजिक की अन्तर्गत मेम्बर भएवाफत कम्पनीले डिज्नील्याण्डमा घुम्न जाँदा पार्किङका लागि कुनै समस्या नहुने भनेर सर्त राखेको हुन्छ । तर दुई बर्ष अगाडी पार्किङ नपाएको भन्दै त्यसबाट प्रभावित ब्यक्तिहरुले मुद्दा हालेका थिए ।

हजारौं प्रभावित मानिसले हालेको सो मुद्दा मिलाउनका लागि वाल्ट डिज्नीले एक जनालाई ६७.४१ डलरको चेक दिने भएको छ । यसका लागि अब जजले पुर्व अनुमती दिनुपर्ने भएको छ ।

सो कम्पनीले दुई बर्ष देखि चलिरहेको मुद्दा किनारा लाग्दा खुसी भएको जनाएको छ । म्याजिक की कार्यक्रम दुई बर्ष अगाडी मात्र ल्याएको थियो जसमा बार्षिक रुपमा पास लिने ब्यक्तिलाई म्याजिक की भनेर सदस्यता दिने गरिएको थियो । जसमा एक बर्षसम्म यो पास भएका ब्यक्तिहरु जतिबेलापनि पार्किङ पाउने भनिएको थियो ।

म्याजिक की अन्तर्गतपनि सबै भन्दा महंगो पासका रुपमा रहेको ड्रीम सदस्यता एक बर्षसम्म हरेक दिन गएपनि पाउने भनिएको थियो । यो मुद्दा जितेका ब्यक्तिहरुले आफ्नो चेक पाउनका लागि अझै केहि महिना कुर्नुपर्ने बताइएको छ । तर कम्पनीले तीन महिनामा सबैलाई रकम दिइसक्नुपर्ने भनिएको छ ।