अमेरिकामा अहिले नयाँ निर्वाचनका लागि विभिन्न प्रचारप्रसारको काम भइरहेको छ । आगामी राष्ट्रपतिय निर्वाचन आउन केहि समय बाँकी रहेका बेला स्थानीय स्तरबाट यसको प्रक्रिया सुरु भइरहेको छ । यस्तैमा यतिबेला एक जना प्रतिस्पर्धी जो यसअघिको निर्वाचनका नामपनि सुनेको थिइएन, ती निकै चर्चामा छन् ।
यसअघिका निर्वाचनमा आफुले भोट नहालेको भन्ने ती ब्यक्ति अहिले आगामी राष्ट्रपतिको पदका लागि चुनावी होडमा छन । उनी विभिन्न कारण र अभिब्यक्तिले चर्चा पाउँदै आएका छन । ती हुन भारतीय मुलका विवेक रामास्वामी ।
विवेकका पूर्खाहरु भारतबाट आप्रवासीका रुपमा आएपनि उनी अमेरिकाकै नागरिक र एक सफल ब्यापारीपनि हुन । यतिबेला पूर्व राष्ट्रपति डोनाल्ड ट्रम्पपछि तिनै विवेक चर्चामा छन । उमेरले पनि कलिला रहेका विवेकले पछिल्लो पटक दिएको एक अभिब्यक्तिले उनी सामाजिक सञ्जाल र मिडियामा मुख्य समाचार बनेका छन ।
अमेरिकी समाचार च्यानलसँगको अन्तरवार्तामा उनले यदि आफु आगामी निर्वाचनमा राष्ट्रपति भएको खण्डमा ७५ प्रतिशत सरकारी कर्मचारीलाई निकाल्ने भन्दै बोलेका थिए । जुन कुराले ठूलो चर्चा पाएको छ । उनले आफ्नो भनाईलाई पुष्टि गर्नका लागि केहि डाटापनि राखेका थिए । उनका अनुसार कुल २२ लाख सरकारी कर्मचारी रहेकोमा आफु निर्वाचित भएको चार बर्षको कार्यकालमा ७५ प्रतिशत अर्थात १६ लाख कर्मचारीलाई हटाउने बताए । यसको मुख्य कारण सरकारी कर्मचारीमा हुँदै आएको खर्चलाई कम गर्न मुख्य मनसाय रहेको बताए ।
यदि सरकारी कर्मचारी कटौती गरेमा अर्बो डलर बचत हुने उनको भनाई थियो । युवा जोश र नयाँ भिजन आफुमा रहेको बताउँदै आएका विवेक एक सफल ब्यापारी मात्र नभएर अध्ययनमा पनि राम्रो रहेको बताइएको छ । उनले आफ्नो पुर्वजहरु आप्रवासीका रुपमा आएपनि आफुले मेहेनत गरेर मिलियन डलर कमाउन सफल भएको बताउँदै आएका छन ।