अमेरिकाको आगामी राष्ट्रपतिय निर्वाचनको दौडमा रहेका विवेक रामास्वामी फेरी एकपटक चर्चामा आएका छन । उनले यदि आफु निर्वाचित भएको खण्डामा सन् २०२४ पछि अमेरिकाले एचवान बी भिषा बन्द गर्ने बताएको छन ।

बिदेशी कामदार अमेरिका ल्याएर ग्रिन कार्डका लागि एचवन बी कोटाको प्रयोग हुँदै आएको छ । यो भिषा क्याटागोरी एशियाली देशहरुका लागि बढि काम लाग्दो छ । नेपाल, भारत, चीन, बङ्गलादेश लगायतका दक्षिण एशियाली देशमा यसको बिषेश महत्व रहेको छ । कामदारले आफ्नो देशबाट नै यसका लागि प्रक्रिया गर्न सक्दथे ।

तर यदि रामास्वामी निर्वाचित भएर सत्तामा पुगेपछि मात्र उनले यसलाई कार्यान्वयन गर्नेछन । निर्वाचनका लागि प्रचारप्रसारको दौडमा रहेका रामास्वामीले एचवन बी को स्थानमा विशेष योग्यताको आधारमा विदेशी कामदारलाई अमेरिका प्रवेशको सिस्टम बनाउने बताए । उनको यो भनाईमा अमेरिकी संस्था इमिग्रेसन वायसले पनि सहमति जनाएको छ ।

पछिल्लो पटक एचवन बी भिषा कुनै क्षेत्रमा विशेष क्षमता भएका लागि निकै लोकप्रिय छ । अमेरिकाले हरेक बर्ष करिब ६५ हजारलाई एचवन बी भिषा दिँदै आएको छ । त्यसमा २० हजार अमेरिकामा डिग्री हासिल गरेका हुन्छन ।