प्रहरीको गाडीको ठक्करबाट ज्यान गुमाएका भारतीय छात्रा जानबी कुन्डलाको न्यायका लागी अमेरिकाको सियाटलमा प्रदर्शन गरिएको छ । गत जेनवरीमा बाटो काट्ने क्रममा पुलिसको गाडीले जानबिलाई ठक्कर दिँदा निधन भएको थियो । केहि दिन अगाडी उनको घटनाको भिडियो सार्वजनिक हुँदा उनलाई दुर्घटना पार्ने पुलिसले उनको मृत्युलाई हाँसोमा उडाएको अडियो सुनिएको थियो । 

त्यसपछि जानबीको निधनको जस्टिसका लागि सडकमा आन्दोलन गर्नेको सख्या बढेको छ । सोसियल मिडियामा पनि उनको जस्टिसका लागि ह्यास्ट्याग चलिरहेको छ । यस्तै अमेरिकामा रहेका दक्षिण एशियाली समुदायले जानबी कुन्डलाको मुत्यु भएको स्थानमा भेला भएर प्रदर्शन गरेका छन् ।

हातमा प्लेकार्ड बोकेर मानिसहरु प्रदर्शन गरिरहेका छन । जसमा जानवीलाई न्याय दे, जानवीको मुल्य सियाटल प्रहरीको भन्दा अधिक, प्रहरी अधिकारीलाई सजाय दे भन्ने लेखेर प्लेकार्ड बोकेका छन । 

जानबीको न्यायका लागि सियाटलका मेयर तथा अन्य बरिष्ठ अधिकारीहरुसँग प्रदर्शनकारीले भेट गरेर मागपनि राखेका छन । तर पछिल्लोपटक प्रशासनले ती प्रहरीलाई बचाउन खोजेको भन्दै आक्रोश बढेको बताइएको छ । प्रदर्शन गर्नेको सख्या बढिरहेको र त्यसमा दक्षिण एशियाली मुलका मात्र नभएर अमेिरकी समुदायका समेत सहभागि छन ।