अमेरिकाको सिकागो भन्दा करिव ३० माईल टाढा बसोबास गर्दै आएका एक परिवारका चार सदस्य मृत अवस्थामा फेला परेको पुलिसले जनाएको छ ।

आफ्नै घरमा एकै परिवारका चार जना सदस्य मृत अवस्थामा फेला परेको र त्यसमा दुई जना बालक रहेको बताइएको छ । यस्तै तीन वटा कुकुरपनि मृत फेला परेका छन । यो घटना के कसरी भयो भन्ने बारमो अझै केहि खुल्न सकेको छैन ।

यो घटनाको स्थानीय पुलिसले अनुसन्धान गरिरहेको छ । आइतबार भएको यो घटनामा मृत हुनेलाई कसैले गोली प्रहार गरेको प्रारम्भिक अुनसन्धानबाट थाहा भएको छ । सीएनएनका अनुसार पुलिसले मृत परिवारमाथि कसैले हमला गरेर गोली चलाएको बताएको छ ।

विल काउन्टीका अनुसार मृत्यु हुने दुई जना बयस्कको पहिचान भएको बताइएको छ । जसमा ३८ बर्षे अल्बर्टो रालोन र ३२ बर्षे जोरीदा बार्तोलोमी रहेको पुलिसले पत्रकार सम्मेलनमा सार्वजनिक गरेको छ । मृत्यु हुने बालकहरुको नाम भने सार्वजनिक गरिएको छैन । तर दुबै जना केटा भएको भनिएको छ ।

सोमबार विहानको समयमा आफन्तले फोन गर्दा सकैलेपनि नउठाएपछि पुलिसलाई जानकारी गराइएको थियो । पुलिस घटनास्थलमा पुग्दा उनीहरुको मृत्यु भइसकेको थियो । पुलिसले दिएको जानकारी अनुसार यो घटना शनिबार राती नौं बजेदेखि आइतबार विहान ५ बजे बिच भएको हुनुपर्ने अनुमान छ ।

तस्विर:सीएनएन