अमेरिकी पूर्व राष्ट्रपति डोनाल्ड ट्रम्प जुनियरको एक्स अकाउन्ट पहिलेको ट्विटरमा आफ्ना बुबाको निधन भएको पोष्ट भएको देखेर केहि समयका लागि सामाजिक सञ्जालमा हंगामा मच्चिएको थियो ।

बुधबार दिउसो भएको यो घटनामा ट्रम्प जुनियरको एक्सको वालमा डोनाल्ड ट्रम्पको निधन भएको भन्ने पोष्टहरु बारम्बार देखिएका थिए । तर पछि उनले ती सबै पोष्टहरुलाई हटाएका थिए । खासमा यो हुनुको पछाडी उनको अकाउन्ट ह्याक भएको थियो । जसका कारण आफ्ना बुबाको निधन भएको पोष्टहरु उनको पहिलेको ट्विटरमा ह्याकरले राखेका थिए ।

१० मिलियन फलोअर्स रहेको ट्रम्प जनियरको अकाउन्ट ठिक भएपछि ह्याकरले राखेका सबै पोष्टहरु उनले एक घण्टामा हटाएका थिए । पछि ट्रम्प ओर्गनाइजेसनले पनि ट्रम्प जुनियरको अकाउन्ट ह्याक भएको जानकारी गराएको थियो ।

उनको एक पोष्टमा मेरा बुबा डोनाल्ट ट्रम्पको निधन भएको र यसले आफु निकै दुखी भएको साथै २०२४ को निर्वाचनमा आफु राष्ट्रपतिको दावेदारीत दिने लेखिएको थियो ।
उनको अर्को पोष्ट उत्तर कोरीयासँग सम्बन्धित थियो । ह्याकरले अकाउन्ट ह्याक गरेर अमेरिकी समय अनुसार विहानको ८ बजेबाट सुरु भएको थियो ।

छोराको अकाउन्टमा बुबाको निधन भएको पोष्ट भएकैबखत डोनाल्ड ट्रम्पले अनुपयुक्त खबर भनेर पोष्ट गरेका थिए । बुबाको निधनको पोष्टमा एकैछिनमा चार हजार भन्दा बढि रिट्विट भएका थिए भने एक दशमलव पाँच मिलियन भ्यू भएको थियो ।

उनको अकाउन्ट कहाँबाट ह्याक भएको भन्ने खुलाइएको छैन ।