Logo

सोमवार, मंसिर १ गते २०८३   |   2026 November 16

images

images

अमेरिका प्रवेश गर्ने लक्ष्यमा रहेका क्युबाका १० नागरिकको मेक्सिकोमा दुर्घटनामा परेर निधन

अमेरिका प्रवेश गर्ने लक्ष्यमा रहेका क्युबाका १० नागरिकको मेक्सिकोमा दुर्घटनामा परेर निधन

नेप्लिज डायस्पोरा

१५, आश्विन २०८०
images
अमेरिका प्रवेश गर्ने लक्ष्यमा रहेका क्युबाका १० नागरिकको मेक्सिकोमा दुर्घटनामा परेर निधन

मेक्सिकोमा ट्रक दुर्घटना हुँदा गैरकानूनी तरिकाले अमेरिका आउने क्रममा रहेका १० जना क्युबाका नागरिकको निधन भएको छ भने १७ जना अरु गम्भिर घाइते भएका छन ।

२७ जना ब्यक्तिलाई ओसार्नका लागि गइरहेको ट्रकले तिब्र गतिका कारण नियन्त्रण गुमाउँदा यो दुर्घटना भएको मेक्सिको पुलिसले जनाएको छ । दक्षिणी अमेरिकाका विभिन्न देश भएर मेक्सिको हुँदा अमेरिका सिमासम्म पुग्ने लक्ष्यमा रहेका क्युबाका ती नागरिकहरु सो ट्रकमा कोच्चिएर बसेका थिए । तर ट्रक ड्राइभरले गति बढाउँदा र समयमा नियन्त्रणमा लिन नसक्दा दुर्घटना भएको हो ।

मृत्यु हुने १० ब्यक्तिमा सबै महिला रहेको बताइएको छ । घाइते भएकाहरुलाई नजिकैको अस्पतालमा उपचार भइरहेको छ । उज्वल भविष्य बनाउनका लागि अमेरिका प्रवेश गर्ने लक्ष्यमा रहेका उनीहरु क्यारिबियन हुँदै मेक्सिकोसम्म पुगेका थिए ।

यसरी विदेशी नागरिक बोकेर दुर्घटना हुँदा सन् २०२१ मा ५५ जनाको मृत्यु भएको थियो । जसमा एक सय जना घाइते भएका थिए ।

पछिल्लो पटक मेक्सिको र अमेरिकाबिच गैरकानुनी तरिकाले अमेरिका प्रवेश गर्ने विदेशी नागरिकलाई उनीहरुको देश फर्काउने सहमति भएको थियो । तरपनि अझै विभिन्न तरिकाले मानिसहरु गैर कानुनी तरिकाले अमेरिका प्रवेश गर्ने क्रम रोकिएको भने छैन । यस्तैमा मेक्सिकोले नै ९ महिनामा चार लाख भन्दा विदेशी नागरिकलाई उनीहरुको देश फर्काइसकेको रिपोर्ट केहि दिन अगाडी सार्वजनिक गरेको थियो ।

तस्विर:सीएनएन

 

images
प्रकाशित मिति :आश्विन १५, २०८० सोमवार - ०३:५२:४७ बजे

नेप्लिज डायस्पोरा

Copyright © All right reserved to Nepalses Diaspora Site By: SobizTrend