२०२५ का लागि डिभी भोलीबाट खुल्दैछ । करिव एक महिनाका लागि खुल्ने यो पटकको डिभी नोभेम्बर ७ मा समय सकिनेछ ।

भोली अक्टोबर ४ को मध्यान्हदेखि नोभेम्बर ७ को मध्यान्हसम्म डिभी भर्न सकिने बताइएको छ । डिभी २०२५ का विजेताहरुले सन् २०२५ को सेप्टेम्बर ३० सम्म भिसा प्राप्त गर्नसक्नेछन् भने नतिजा २०२४ को मे ४ मा सार्वजनिक हुनेछ । 

डिभीका लागि योग्य हुन १२ कक्षासम्मको अध्ययन वा तोकिएको कामको अनुभव भएको हुनुपर्छ । यदि योग्यताहरु पुगेको छैन भने त्यो उनीहरुका लागि काम नलाग्ने हुन सक्छ । 

डिभी भर्दा नाम, जन्ममिति, जन्मस्थान, फोटो, ठेगाना, फोन नम्बर, इमेल लगायतका विवरणहरु बुझाउनुपर्छ । विगतमा प्रयोग भएको वा ६ महिनाभन्दा पुरानो फोटो डिभी भर्दा प्रयोग मिल्नेछैन ।