अमेरिका पठाइदिन्छु भन्दै ११ लाख रूपैयाँ ठगी गरेको आरोपमा एक जना काठमाडौंबाट पक्राउ परेका छन् ।
दैलेख घर भई हाल काठमाडौं नागार्जुन नगरपालिका–२ बस्ने ४० वर्षीय कुलबहादुर पन्त पक्राउ परेका प्रहरीले जनाएको छ।
उनलाई काठमाडौं उपत्यका अपराध अनुसन्धान कार्यालयको टोलीले सोमबार दिउँसो पक्राउ गरेको हो।
भुवनेश्वर अनात्यलाई वैदेशिक रोजगारीका लागि अमेरिका पठाइदिन्छु भन्दै ठगी गरेको आरोपमा अनात्यले वैदेशिकरोजगार विभागमा उजुरी दिएका थिए। सोही उजुरीको आधारमा उनलाई पक्राउ गरिएको उपत्यका अपराध अनुसन्धानकार्यालयका प्रहरी उपरीक्षक रविन्द्र रेग्मीले जानकारी दिए। पन्तलाई थप अनुसन्धान तथा कारबाहीको लागि वैदेशिकरोजगार विभाग ताहाचल पठाइएको प्रहरीले जनाएको छ।
उनलाई पक्राउ गर्न विभागले प्रहरीलाई पत्राचार गरेको थियो ।
.png)
