मगर संघ अमेरिकाको सम्पुर्ण अमेरिकाबासी मगरहरुलाई संघको एउटै छातामिनी गोलबद्व गर्ने अभियानको क्रममा  मगर संघ अमेरिकाको सातौँ च्यापटरको रुपमा मगर संघ अमेरिका म्यासाचुसेट्स च्याप्टर गठन भएको छ |

जनवरी ०७ , २०२४ को दिन बोस्टन शहरमा म्यासाचुसेट्स राज्यका मगरहरुको एक ऐतिहासिक भेलाले  बोस्टन  निवासी देवराज पुन मगरको अध्यक्षतामा १५ सद्सिय कार्यसमिति गठन गरेका छन | 

 मगर संघ अमेरिका केन्द्रीय समितिका अध्यक्ष यम पुन मगर , बरिष्ठ उपाध्यक्ष दिप सागर बुढा मगर , सचिब पुर्ण बहादुर पाइजा मगर , निवर्तमान अध्यक्ष तथा सल्लाहकार कुलदिप राना मगर ,  मगर संघ अमेरिका न्युयोर्क च्याप्टरका अध्यक्ष अमृत रोका मगर , उपाध्यक्ष सुसाङ बुढा मगर , सचिब रत्न सिङ गर्बुजा मगर र आजिवन सद्स्य तथा चर्चित गायक सुमन बुढा मगरको उपस्थिमा मगर संघ अमेरिका म्यासाचुसेट्स च्याप्टर गठन गरिएको हो | 

  मगर संघ अमेरिका  म्यासाचुसेट्स च्याप्टर घोषणा सभाको समुदघाटन समारोहमा संस्थाको इतिहास , बिधि र प्रकृयाको बारेमा निवर्तमान अध्यक्ष तथा सल्लाहकार कुलदिप राना मगरले , केन्द्रीय समितिको च्याप्टर बिस्तार अभियान र कार्ययोजनाको बारेमा अध्यक्ष यम पुन मगर र च्याप्टरले गर्ने काम कर्तव्य , च्याप्टरका अधिकार र च्याप्टर भएपछिका त्यो राज्यका मगरहरुलाई जोड्न सकिने सजिलोका बारेमा न्युयोर्क च्याप्टरका अध्यक्ष अमृत रोका मगरले  मन्तव्य राखेका थिए |  

मगर संघ अमेरिका म्यासाचुसेट्स च्याप्टरको नव गठित कार्यसमिति निम्न रहेको छ |

अध्यक्ष : देवराज पुन मगर 

उपाध्यक्ष : कुसमाया थापा मगर 

 सचिब : बिकास थापा मगर 

सह - सचिब : मनोज कुमार पुन मगर 

कोषाध्यक्ष : राखी कुमारी पुन मगर 

सह - कोषाध्यक्ष  : तारा पाइजा मगर 

सद्स्यहरु 

------

१- अमन थापा मगर 

२- होमेन्द्र बुढा मगर 

३- उमाकन्त पुन मगर 

४- टिका पुन ( श्रीष ) मगर 

५- बिनोद बुढा मगर 

६- राज पुन मगर 

७- प्रेम थापा मगर 

८- सुमित्रा रोका मगर 

९- मुगा थापा मगर 

  नव निर्वाचित कार्यसमितिको सपतग्रहण संगै नव अध्यक्ष देवराज पुन मगरले म्यासाचुसेटस राज्यका सम्पुर्ण मगरहरुलाई गोलबद्व गर्दै मगर भाषा , संस्कार , संस्कृति संरक्षण अनि पुस्तान्तरण गर्ने , म्यासाचुसेट्स राज्यका अन्य संस्थाहरु संग भाइचाराको सम्बन्ध राख्ने र म्यासाचुसेट्स च्याप्टरको शिर उच्च राख्न हर प्रयास गर्ने प्रतिबद्वता जनाएका छन | 

मगर संघ अमेरिकाले सन २०१६ देखि केन्द्रीय समिति र च्याप्टरको अवधारणा अगि सार्दै हाल सम्म न्युयोर्क , न्युजर्सी , टेक्सास , डिएमभी ( डिशी , मेरिल्याण्ड र भर्जिनिया ) , कोलोराडो र इलिनोइ गरि मगरहरुको बाक्लो उपस्थित रहेको ६ राज्यमा च्यप्टर गठन गरिसकेको छ र सातौँ च्याप्टरको रुपमा म्यासाचुसेट्स च्याप्टर गठन गरिएको छ |