मेरिल्याण्ड, अमेरिका ।

राष्ट्रपति बाईडेनबाट पर्वत समाज अमेरिकाका अध्यक्ष तथा अन्तराष्ट्रिय पर्वत समाजका अमेरिका संयोजक रविन शर्मा सम्मानित भएका छन् । उनलाई बाल्टिमोरमा आयोजित एक कार्यक्रममा उक्त सम्मान प्रदान गरिएको हो । 

अमेरिकी राष्ट्रपति जो बाईडेनद्वारा हस्ताक्षरित प्रमाण पत्रमा समाजसेवी रविन शर्माले गरेका सामाजिक र मानवीय कामहरुको प्रशंसा गरिएको छ। शर्मालाई प्रमाण पत्र र मेडल प्रदान गरिएको छ । 

समाजमा ५३ सय घण्टा सामाजिक सेवा गरेको भन्दै शर्मालाई बाईडेन प्रशासनले सम्मान गरेको हो । 

रविन शर्मा दुई दशकदेखि अमेरिकाको मेरिल्याण्ड राज्यस्थित बाल्टिमोरमा बसोबास गर्दै आएका छन् ।

नेपालको पर्वत जिल्लाको कुश्माका स्थायी बासिन्दा शर्मा नेपालदेखि नै सामाजिक क्षेत्रमा सक्रिय यूवा हुन् । उनले अमेरिकामा पनि शुरुदेखि नै विभिन्न सामाजिक संघसंस्थामा रहेर काम गरिरहेका छन् ।

"म अत्यन्त हर्षित छु । मैले गरेका सेवा कर्मलाई अमेरिकी राष्ट्रपतिद्वारा सम्मान गरिएको छ । मलाई समाजप्रति अझै जिम्मेवार भएर अघि बढ्ने प्रेरणा मिलेको छ ।" नेप्लिज डायस्पोरासंग रविन शर्माले भने ।

गीतकार सतीश चापागाईको प्रेमिल गीत 'तिम्रो मन कोमल छ'