बाइडेन प्रशासनले विद्यार्थी ऋणमा थप १.२ बिलियन डलर माफ गर्ने भएको सिबिएसन्यूजले जनाएको छ ।

बाइडेन प्रशासनले बिहीबार जानकारी दिदै शिक्षकदेखि अग्निनियन्त्रकहरू सम्मका सार्वजनिक सेवामा काम गर्ने ३५,००० ऋणकर्ताहरूको लागि विद्यार्थी ऋणमा १.२ बिलियन मिनाहा गरिरहेको जनाएको छ ।

सर्वोच्च अदालतले गत वर्ष राष्ट्रपति जो बाइडेनको व्यापक-आधारित महाबिद्यालय ऋण माफीको योजनालाई अवरुद्ध गरेको थियो ।

हालसालै गएको विद्यार्थी ऋण माफीको साथै बाइडेन प्रशासनले लगभग ४.८ मिलियन अमेरिकीहरूको लागि १६८.५ बिलियन डलरको ऋण माफ गरेको शिक्षा विभागको एक विज्ञप्तिमा उल्लेख छ ।

ऋण माफी पछिल्लो चरणमा मिनाहाको लागि योग्य व्यक्तिहरू सार्वजनिक सेवा ऋण माफी कार्यक्रमको एक हिस्सा हुन् ,बिज्ञप्तिमा भनिएको छ ।

तर बाइडेन प्रशासनले कार्यक्रमको नियमहरू परिमार्जन गरेको छ, जसले अधिक सार्वजनिक सेवकहरूलाई माफीको लागि योग्य बनाउन सक्षम पारेको सिबिएसन्यूजले समाचारमा उल्लेख गरेको छ ।