अमेरिकाको टेक्सासमा दुर्घटनामा परेर निधन भएकी  बिष्णुमाया धमलाको आज डालस टेक्सासमा अन्तेष्टि हुदैछ ।

अमेरिकामा रहेका छोरी ज्वाई र नाति नातिना भेट्न आएकी पोखरा ३२ ढोडबेसीकी बिष्णुमाया धमलाको गत आईतबार निधन भएको थियो । 

टेक्सासको फोर्टबर्थबाट घुम्नका लागि टेक्सासकै अष्टिनतर्फ जादैगर्दा वेको भन्ने ठांउमा गाडी दुर्घटनामा परेको थियो । दुर्घटनामा परेर घाईते भएकी छोरीको प्रमीला धमलाको अवस्था सुधारउन्मुख छ ।

धमलाका ज्वाई पाल्पा मदनपोखराका दीपक पाण्डे हुन् । दिपकले चलाएको गाडीमा सासु ससुरा श्रीमती र छोरी थिए। गाडीको टायर फ्ल्याट भएपछि अनियन्त्रित भएर सडकबाट पल्ट्यागं खादै उछिट्टिएको बताईएको छ । 

नेप्लिज डायस्पोराको फेसबुक पेजमा हरेक सांझ नेपाली बहस सुन्नुहोला ।

छोरी प्रमिलालाई हिजो मात्र जानकारी गराएर आज अन्तिम संस्कारको लागि कार्यक्रम राखिएको बाल्टिमोर रहेका मृतकका आफन्त रामराज धमलाले बताए ।

नेपाली समाज टेक्सासले अन्तिम संस्कारका आवश्यक काममा सघाएको धमलाका पारिवारीक आफन्त यादव खनालले जानकारी दिए ।

पाल्पाली संगमका शिव काफ्लेले टेक्सास वरपरका सबै नेपालीलाई अन्तिम संस्कार कार्यक्रममा उपस्थित भईदिन अनुरोध समेत गरेका छन् ।