अमेरिकाको इलोनोइ राज्यको शिकागो शहरको शिकागो करी हाउस (चमेनागृह)मा नेपाली दुताबासले कन्सुलर सेवा शिविर सफलतापूर्वक सम्पन्न गरेको छ । दूतावासले अगस्त २-५, २०२४ सम्म मोबाइल ई-पासपोर्ट (घुम्ती बिधुतिय राहदानी )सेवा शिविर सञ्चालन गरेको थियो ।

दुताबासका अनुसार कूल ४११ नेपाली नागरिकले दूतावासको सेवा प्राप्त गरेका छन्। स्थानीय तहमा लजिस्टिक ( सामग्रीको आपूर्ति )को सहयोग र समन्वयको व्यवस्था गरेकोमा दूतावास सामाजिक अभियन्ता बाला घिमिरेलाई धन्यवाद दिएको छ ।

त्यस्तै शिविरमा प्रत्यक्ष वा अप्रत्यक्ष रूपमा स्वयम सेवा र विभिन्न क्षमतामा योगदान पु¥याउने शिकागोल्याण्ड नेपाली फ्रेन्डसिप सोसाइटी लगायत नेपाली सामुदायिक संस्थाका सम्पूर्ण सदस्यहरूलाई दूतावासले हार्दिक धन्यवाद ज्ञापन गरेको छ ।