अमेरिकाको मेरिल्याण्ड राज्यमा बसोबास गर्ने एक नेपाली आफ्नै मृत फेला परेका छन् ।

 पर्वत घर भई अमेरिकाको मेरिल्याण्ड राज्यमा बस्दै आएका ४७ बर्षिय शान्तलाल प्रधानको निधन गत अगस्त २७, २०२४ मंगलबार भएको बताईएको छ ।

काम सकेर दिउसो २ बजे कोठामा फर्केका थिए । उनलाई काममा पालो दिने उनका मित्र घर फर्कदा प्रधान मृत अवस्थामा फेला पारेका थिए ।

कुस्मा पर्वतमा जन्मिएका स्व प्रधान त्यसपछि चितवन बसाई सराई गरेका थिए । चितवनमा गणित शिक्षक भै काम गरेका प्रधानले एसओएसमा समेत पढाएको बुझिएको छ ।

शान्तलाल प्रधान भरतपुर नेपालको प्रशंसनीय गणित शिक्षक रहेका र आफ्नो परिवारको उज्ज्वल भविष्य सुरक्षित गर्ने आकांक्षाका साथ सन् २०१५ मा अमेरिका आएको गो फन्डमा जनाईएको छ । तर उनी सन् २०२२ मा मेरिल्याण्ड ब्यापार गर्न आएका पनि बुझिएको छ ।

शान्तलाल ९ बर्षसम्म परिवारबाट टाढा थिए र यो दशैंमा  आफ्नो परिवार र साथीहरूलाई भेट्न नेपाल जाने तयारीमा रहेको उनका साथीहरुले बताए । शान्तकी पत्नी, एक छोरी र एक छोरा  नेपाल मै छन् ।

यस कठिन समयमा अन्त्येष्टि खर्च र अन्य आर्थिक आवश्यकताहरूलाई सहयोग गर्न र नेपालका शोकसन्तप्त परिवारलाई सहयोग गर्न गो फण्डमी एकाउण्टबाट आर्थिक सहयोग उठाउन शुरु गरिएको छ ।