लस एन्जलस, अमेरिका | युनिभर्सल युनाइटेड नेप्लीज तेक्वान्दो महासंघ (अन्टीएफ) ले आगामी चौथो महासभाको सम्पूर्ण तयारी सकिएको आयोजकले बताएको छ। 

सेप्टेम्बर १४, २०२४ मा लस एन्जलसमा आयोजना हुने कार्यक्रममा विश्वभरका तेक्वान्दो खेलाडीहरू, प्रशिक्षकहरू, र नेतृत्वकर्ताहरू सहभागी हुने कुरा कार्यक्रम संयोजक अमृत महतोले जानकारी गराउनु भयो ।

उक्त सभामा तेक्वान्दोलाई के कसरी विश्वव्यापी रूपमा अगाडि बढाउन सकिन्छ भन्ने विषयमा छलफल गरिनुको साथै नयाँ कार्यसमितिको निर्वाचन पनि गरिने कुरा कार्यक्रमका संयोजक अमृत महतो ले जानकारी दिनु भयो ।

उहाको अनुसार कार्यक्रमलाई सफल बनाउन सबै तयारी पुरा भईसकेको र कार्यक्रम बिहान स्थानीय पशुपति मन्दिरमा छलफल र निर्वाचन गर्ने अनि बेलुकी हिमालयन ग्रिल रेस्टूरेण्टमा हस्तान्तरण गरिने कार्यक्रम तय भएको कुरा महतोले जानकारी दिनु भयो ।

सो अबसरमा सस्थामा बढी योगदान दिने महानुभावहरुलाई सम्मान पनि गर्नुको साथमा सहभागीहरूलाई स्वागत गर्न र कार्यक्रमलाई सफल बनाउनको लागी स्थानीय संघसस्था व्यक्तिहरूवाट भरपुर मात्रमा सहयोग भईरहेको कुरा संयोजक महतोले जानकारी दिनुभयो ।