अमेरिकाको न्यू जर्सी राज्यको एक सिटीले रक्तदाता तथा सामाजिक अभियन्ता संजीव श्रेष्ठको नाममा सन् २०२५ को जनवरी ४ तारिखलाई ‘संजीव श्रेष्ठ डे‘ को रुपमा मनाएको छ । 

न्यू जर्सी राज्यको फेयर लन सिटीकी मेयर गेल फ्राईडबर्ग रोटनस्ट्रिचले अभियन्ता श्रेष्ठलाई नगरपालिकाको एक भव्य कार्यक्रमका बीचमा  जनवरी ६ , २०२५ तारिखलाई ‘संजीव श्रेष्ठ डे’ को रुपमा मनाएको घोषणा गरेकी हुन् । 

यो सिटीले आआफ्नो क्षेत्रमा विशिष्ट योगदान पुर्याउने व्यक्तिका नाममा कुनै एक दिनलाई सम्मान स्वरुप दिवस घोषणा गर्ने गरेको र उक्त एकदिन आफ्नो नाममा छुट्ट्याएको श्रेष्ठले नेप्लिज डायस्पोरालाई बताए ।

सामाजिक संस्था एआरसी नेपाल, एनआरएनए न्यूजर्सी च्याप्टर, न्युजर्सी नेपाली समाज र ग्रेटर न्यूजर्सी समाजले संयुक्त रुपमा आयोजना गरेको रक्तदान कार्यक्रमका अवसरमा सिटी मेयरले श्रेष्ठलाई एक प्रोक्लमेसन पनि प्रदान गरेकी थिईन ।

श्रेष्ठले अहिलेसम्म ६३ पटक रक्तदान गरिसकेका छन् । नेपालमा रहंदा जुडो खेलका राष्ट्रिय खेलाडी रहेका संजीव श्रेष्ठ सन् १९९५ देखि अमेरिकामा छन् । एनआरएनए अमेरिकाको पूर्व सहकोषाध्यक्ष, आईसीसीको स्पोर्टस कमिटिका पूर्व चेयर र एनसीसी अमेरिका रिजनका बर्तमान डिआरसी समेत हुन् ।

उनलाई कोभीड १९ का बेला समुदायमा सक्रिय रुपमा सेवा र सहयोगमा खटिएको भन्दै न्यू योर्कका मेयरले कोभीड हिरोका रुपमा सम्मान गरेका थिए ।