वाल्टिमोर , अप्रिल १४
अमेरिकाको मेरिल्याण्ड राज्यमा आईतवार कविता महोत्सव सम्पन्न भएको छ । उक्त कविता महोत्सवमा २७ जना कविहरुले आ-आफनो कविता वाचन गरेका थिए ।
कार्यक्रममा मेरिल्याण्ड राज्यका विधायक डा. हयारी भण्डारी, नेपालवाट आउनभएका कवि डा. नवराज लम्सालले आ-आफनो कविता वाचन गरेर माहोललाई निकै तताउनु भएको थियो ।
कार्यक्रममा कवि एच वि भण्डारीले अमेरिकामा मृत्युवरण गरेको आफनो पात्रलाई विभिन्न विम्व प्रयोग गरेर प्रस्तुत गर्नु भएको थियो । उक्त कविताले हलभित्र सन्नाटा छाएको थियो ।
उहाँको कवितामा आउदा सिटमा अनेकन सपना र चाहना वोकेर हिडेको एक आप्रवासी मृत्युवरण गरेर कास्केटमा फर्किएको अनुभूतिलाई निकै भावुक शैलीमा प्रस्तुत गरेका थिए ।
मदन पुरस्कार विजेता एवं कवि नवराज लम्सालले आफनो कृतिहरुको वारेमा चर्चा गर्दे समय, परिवेश अनुसार सृजना गर्न स्रष्टाहरुलाई प्रोत्साहित गरेका थिए । उनले विदेशीएका नेपालीहरुले फैलिएको विस्तार भएको विम्व मार्फत अझ धेरै प्रगति गर्नको लागि अनुरोध गरेका थिए । उनले कार्यक्रममा अमेरिका आउँदाका रोचक प्रसङ्ग देखि आफू जन्मेको स्थलमा विताएका वाल्यपनलाई समेत संस्मरणात्मक रुपमा प्रस्तुत गरेका थिए । कार्यक्रममा उनले सृजना गरेका पुस्तक अग्निलाई पाठकहरुले समेत प्राप्त गरेका थिए ।
अन्र्तराष्ट्रिय साहित्य समाज अनेसासले आयोजना गरेको कार्यक्रममा अग्रज व्यक्तित्व एवं सामाजिक अभियन्ता डा श्याम कार्कीले आफनो अर्धाङ्गिनीको वारेमा लेखिएको कविता वाचन गरेका थिए । ५२ वर्ष वैवाहिक जीवन विताएकी ईन्दिरासँग विताएका पलहरुको स्मरण गर्दे समाजमा सदैव एक रथको दुई पांग्रा वनेर श्रीमान श्रीमति सधै सँग हिडनु पर्ने उहाँको कविताको सन्देश थियो ।
अनेसास वोर्ड अफ ट्रष्टिका उपाध्यक्ष साहित्यकार तीर्थराज पाण्डेयले सूदूर पश्चिमको भाका र लयमा प्रवासीका चाहना ईच्छा र मातृभूमिको सम्झनाका वारेमा कविता वाचन गर्नु भएको थियो ।
कार्यक्रम संयोजक एवं कवि मधुकर अधिकारी त्रास र अन्यौलवाट मुक्त भइ आशाको सञ्चार गर्नुपर्ने विम्व मार्फत समस्याका चुनौतीहरुको बारेमा आफनो कवितामा समेटनु भएको थियो ।
यसैगरी पारस श्रेष्ठले कवितामा नेपालको राजनीतिक व्यवस्था र अवस्थ्या माथि चर्चा गर्नु भएको थियो भने सविता अधिकारीले मातृभूमिको लागि केही गर्न सुझाव दिइएको कविता प्रस्तुत गर्नु भएको थियो ।
कवि एवं विओटीको महासचिव प्रकाश नेपालले नेपाली पन र माटोलाई आफनो कवितामा समेटनु भएको थियो ।
यसै गरि कवि भैरव ढकालले भूतको सपना शीर्षकको कविता वाचन गर्नु भएको थियो ।
केही समय अगाडि भर्जिनियामा भएको ममता काफलेको जीवन माथि लेखिएको गजल तारा खराल न्यौपानेले आँसुको भाका प्रस्तुत गर्नु भएको थियो ।
यसैगरी कवयित्री सुनिता वस्नेतले नयां बर्षसंगै फेरिने 'भित्ते पात्रो' शिर्षकको कविता पाठ गर्नु भएको थियो ।
कवि गण्डकी पुत्रले झलकमान गन्धर्वको वारेमा संस्मरणात्मक कविता वाचन गर्नु भएको थियो । यसैगरी कवि नविन भट्टराईले प्रकृतिको वारेमा कविता वाचन गर्नु भएको थियो भने वीर वहादुर लोहनीले नेपाल र नेपालको संस्कृति र सम्पदाको वारेमा कविता वाचन गर्नु भएको थियो ।
अनेसास केन्द्रीय समितिका सदस्य पुष्पा खनालले देशलाई समृद्ध वनाएको सपनालाई उत्साहित भएर कवितामा सपनाका महललाई स्मरण गर्दे आँखा खुलेपछि वेचेैन भएको विरहका कुरा विम्व मार्फत प्रस्तुत गर्नु भएको थियो ।
यसै गरी कवि प्रवीण भण्डारीले मातृभूमिको मायाको वारेमा आफनो कविता वाचन गर्नु भएको थियो । कवि गोमा न्यौपानेले मातृभूमिको वारेमा लेखिएको कविता वाचन गर्नु भएको थियो ।
कवि सहदेव कोईरालाले नयाँ वर्ष र समयको वारेमा आफनो प्रस्तुति दिनु भएको थियो ।
कवि भीम विक्रम शाही भिषाले सात समुन्द्र वारी नेपाली पनप्रति देखाएको गजल वाचन गर्नु भएको थियो । सविता बस्नेत दानीले पनि आफ्नो कविता वाचन गर्नुभएको थियो।
यसै गरि कवि यादव जोशीले आफनो अनुभूतिलाई प्रस्तुत गर्नुभएको थियो ।
कवि अशोक खातीले मातृभूमि र कर्मभूमिको तुलना गर्दे नयाँ वर्षको प्रवासिएको व्यक्तिको पीडालाई प्रस्तुत गर्नु भएको थियो ।
कवि विष्णु वरालले आफनो अनुभव र अनुभूतिलाई कविता मार्फत प्रस्तुत गनुभएको थियो भने कवि ज्ञानहरि घिमिरले आफनो कवितामा विभिन्न घटना क्रमको विम्व प्रस्तुत गर्नु भएको थियो ।
कार्यक्रममा कवि निशेष कार्कीले परदेशी छोरालाई आमालाई लेखेको कविता प्रस्तुत गर्नु भएको थियो ।
यसै गरी कवि सतिश चापागाईले नायकको खोजी गरिएको भन्दै द्धन्द्धकालमा लागेका गोली र अहिले भोगिएको जीवनलाई प्रस्तुत गर्नु भएको थियो ।
कार्यक्रममा डा लम्साललाई उहाँले नेपाली भाषा र साहित्यको लागि गर्नु भएको योगदानको कदर गर्दे मेरिल्याण्ड राज्यको एशियन अमेरिकन प्यासिफिक आईल्याण्डर्स ( एएपिआई) को तर्फवाट प्रदान गरिएको साईटेशन ककसका अध्यक्ष डा हयारी भण्डारीले प्रदान गर्नु भएको थियो । कार्यक्रममा नेपाली समुदायको वाक्लो उपस्थिति रहेको थियो ।
.png)
