बेल्जियममा एमाले र माओवादी सम्बद्ध संगठनहरु एकीकरणको आन्तरिक गृहकार्यमा जुटदै गर्दा प्रवाशी नेपाली संघ र जन प्रगतिशील मंचको संयुक्त आयोजनामा द्विप प्रजवलन र बार बिक्युको आयोजना सहित गत आइतबार बेल्जियममा दुइ ठुला बामपन्थी पार्टी एकताको भब्य स्वागत गरेको हो । प्रबाशी मंचका अध्यक्ष बोधराज पौडेल तथा जन प्रगतिशील मंचका अध्यक्ष जित लामाले एक छोटो औपचारिक कार्यक्रम मार्फत एकताको समर्थनमा मन्तब्य दिदै भू पु अध्यक्ष सहित सबै कार्यकर्ता र शुभचिन्तकहरुसँग खुसी साटेका थिए । कार्यक्रममा बोल्दै दुवै संगठनका प्रमुख तथा भूपू अध्यक्षहरुले एमाले र माओवादी पार्टी एकीकरण एक ऐतिहासिक कार्य भएको र मुलुकको राजनैतिक स्थाइत्व सहित समृधिको लागि एउटा महत्वपूर्ण छलांग हुने बताएका थिए । स्थानीय लुभेन क्षेत्रमा भएको कार्यक्रममा दुवै संगठनका नेता, समर्थक तथा शुभेच्छुकहरुको ठूलो उपस्थितिमा बिबिक्यु तथा मनोरञ्जन गरी उक्त स्वागत कार्यक्रम सम्पन्न भएको छ । कार्यक्रममा जन सम्पर्क समिति बेल्जियम,संघिय समाजबादी,चितवन क्याट, पत्रकार महासंघ ,मोना,तमु समाज, तमु धिं लगायत धेरै संघ सँस्थाका नेतृत्व लगायत शुभचिन्तकहरुको समेत आथिथ्यता रहेको देखिन्थ्यो। उनीहरुले बाम एकता स्वागतयोग्य कदम भएको भन्दै आयोजकलाई शुभकामना दिएका थिए।