मेरिल्याण्डको हार्डफोर्ड काउन्टीकोमा हिजो बिहिबार भएको गोली काण्डमा एक नेपाली महिला सहित ४ जनाको ज्यान गएको छ भने अन्य ३ जना घाइते भएका छन् । गोली लागेर ज्यान गुमाउनेमा ४१ बर्षकी नेपाली महिला वृन्दा गिरी रहेकी छिन । साथै, घाईते हुनेमा पूर्ण आचार्य रहेका छन् । घाईते आचार्य अहिले अस्पतालमा रहेको प्रहरीले सार्बजनिक गरेको बिज्ञप्तिमा उल्लेख छ ।     मृतक गिरी साढे पाँच महिना अघि मात्र अमेरिका आएकी उनको आफन्तले जनाएका छन् । उनका १४ बर्षकी छोरी र ११ बर्ष को छोरा छन् ।     बाल्टिमोरभन्दा ३५ माइल उत्तर पूर्व एबरडिनमा रहेको राईट एड कम्पनीको वितरण केन्द्रभित्र गोली चलेको हो । पार्ट टाइम कम गर्ने एक जना २६ बर्षिय महिला स्नोचिया मोज्लीले उक्त गोलि चलाएको प्रहरीले जनाएको छ । बिहान ९ बजेको समयमा उक्त गोली चलेको थियो ।     अरुलाई गोली हानेर उसले आफैलाई पनि गोली हानेको बुझिएको छ । ती महिलालाई प्रहरीले घाईते अवस्थामा अस्पताल लागेको र अस्पताल मै मृत्यु भएको जानकारी आएको छ ।   ती महिलाले ९ मिलिमिटर ग्लोक नामको ह्यान्ड गन चलाएको तर गोली चलाउनुको उद्देश्य बुझ्न नसकिएको पनि प्रहरीले बताएको छ ।