तस्बिर कमल भट्टराईको फेसबुकबाट   अमेरिका घुम्न आएका एक नेपालीको भर्जिनियामा अचानक निधन भएको छ ।   निधन हुनेमा पाल्पाको दर्पुकका कौशलराज न्यौपाने हुनुहुन्छ ।   "आईतबार परिवार र केहि आफन्तसंगै बसेर कुराकानी गर्दागर्दै छाती दुख्यो भन्नु भएको थियो । लगत्तै अस्पताल लगियो त्यसको केहि घण्टा मै उहाँको निधन भएको खबर डाक्टरहरुले दिए ।" कमल भट्टराईले नेप्लिज डायस्पोरासंग भन्नुभयो । भट्टराई पनि दिउसो उहाँसंगै हुनुहुन्थ्यो ।   निधन भएका कौशलराज न्यौपाने अमेरिका नेपाल सहयोगी समाजका अध्यक्ष कमला खरेलको सहोदर दाजु हुनुहुन्छ ।   छोरी शुशिला न्यौपाने र परिवारका अन्य सदस्य भेट्न अमेरिका आउनु भएको थियो ।   अहिले उहाँको सव नोभान्त हेल्थ हेमार्ट मेडिकल सेन्टरमा छ । भर्जिनिया कागजी प्रक्रिया चलिरहेको र अन्त्यष्टि कसरी गर्ने भनेर छलफल भईरहेको पनि जानकारी प्राप्त भएको छ ।   न्यौपाने गत बर्ष २०१७ को नोभेम्बरमा डिसी महानगर क्षेत्रको गेन्स भिल ( मनासस नजिक) आउनु भएको थियो भने आगामी नोभेम्बरमा नेपाल फर्कने योजना थियो ।   १९६१ अप्रिल १० मा जन्मनु भएका ५७ बर्षिय न्यौपाने आफ्नो जीवन संगिनीसंग अमेरिका आउनु भएको थियो ।   वहाको अन्तिम संस्कार आगामी अक्टोबर १० तारिख बुधबार १२ देखि २ बजेसम्म गरिने भएकोले श्रद्धाञ्जली व्यक्त गर्न चाहनु हुने सबै नेपाली समुदायलाई आग्रह गरिन्छ ।   निम्न मिति समय र स्थानमा वहाको अन्तिम संस्कार गरिने छ ।   Direct cremation services of virginia 4425 Brookfield corporate drive suite 100 chantilly va 20151 phone : 703-584-४९२७