अमेरिकाको केन्टकी राज्यमा एक बन्दुकधारीको गोलीवाट एक नेपाली सुवास घलेको ज्यान गएको । सोहि घटनामा अर्का एक जना गम्भिर घाइते भएका छन् । लमजुङ घर भएका सुवास घलेको आफ्नै स्टोर एलिजावेद टाउनको टी मार्टका संचालक हुन् । घटनामा परी अर्का प्रयास बानिया गम्भिर घाइते भएका छन् । उनको लुवेल अस्पतालमा उपचार भैरहेको छ । घले केही समयअघि टेक्ससको डलासवाट केन्टकी बसाइसरेको बुझिएको छ। विहिवार राती करिव साढे ११ वजे एक बन्दुकधारी स्टोरमा प्रवेश गरी गोली हानेका थिए । ती हतियारधारीले आफ्नो प्रेमिकालाई समेत गोली हानी हत्या गरेको बताइएको छ । मृतकका वुवा आमा नभएको बताइएको छ । घलेका एक दिदी नेपाल र अर्की दिदी वेलायतमा वस्दै आएका छन् भने भाई सिंगापुरमा रहेका छन् । प्रहरीले घटनावारे पूर्ण जानकारी नगराएको भएपनि बन्दुकधारीसग सोही दिन दिउसो घलेको समान्य वादविवाद समेत भएको बताइएको छ ।