काठमाडौं । अमेरिकामा श्रीमतीको उपचार गर्न आएका नेपालका पूर्व प्रधानमन्त्री समेत रहेका नेकपा अध्यक्ष प्रचण्डलाई पक्राउको माग गर्दै अमेरिकामा उजुरी परेको छ । अमेरिकाको 'केन्टुकी स्टेट युनिभर्सिटीमा रिसर्च असोसीएट रहेका तिलक बहादुर श्रेष्ठले अमेरिकी गुप्तचर संस्था एफबिआईमा उजुरी दिँदै पूर्व प्रधानमन्त्री प्रचण्डलाई पक्राउ गर्न निबेदन दिएका हुन् । उजुरीमा प्रचण्डलाई परिचित आतंकवादी भनिएको छ । उनले जनयुद्धको समयमा १७ हजार नेपालीको ज्यान लिएको र उनको नाम अमेरिकाको आतंकवादीको सूचीमा समेत रहेकोले उनलाई पक्राउ गरी कारबाही गर्नको लागि आग्रह गरिएको छ । श्रीमती सीता दाहालको उपचारको लागि अमेरिका पुगेका प्रचण्ड 'जोन हप्किन्स अस्पताल' मा रहेको बताउँदै उजुरीकर्ता श्रेष्ठले नैतिक मूल्य र मान्यता, अन्तराष्ट्रिय कानून र अमेरिकाले आतंकवाद विरुद्ध लिएको प्रतिवद्धताको आधारमा उनलाई पक्राउ गर्नुपर्ने उल्लेख गरेका छन्। प्रचण्डले आफ्नी श्रीमतीको उपचार अमेरिकाको मेरिल्याण्ड राज्यको बाल्टिमोर शहरमा रहेको 'जोन हप्किन्स अस्पताल' मा गराउने बुझिएको छ । यो अस्पताल विश्वको सबैभन्दा राम्रो अस्पतालका रुपमा परिचित छ । अमेरिकामा रहेको नेपाली दुताबासको पहलमा हस्पिटल नजिकै प्रचण्ड परिवारलाई ३ महिनाको लागि बस्ने ब्यबस्था गरिएको बुझिएको छ । प्रचण्डलाई पक्राउको माग गर्दै दिइएको उजुरी जस्ताको त्यस्तै :