१८, चैत्र २०७५
मुक्तक -१
के गर्ने के नगर्ने खाली तनावै तनाव छ सरकार
कर्णालीमा गास बास कपासकै अभाव छ सरकार
सधै जनताको तमासा मात्र हेरेर बसिरन्छस् किन ?
भनिदे न आखिर तँमाथी कस्को दबाब छ, सरकार ।
मुक्तक-२
धेरै ठूला गफ नगरौं भो अधुरा, हुन सक्छन्
उखान टुक्का जस्तै तिम्रा कुरा, हुन सक्छन्
पूरा हुने सपनामात्र देखाऊ भो ए सरकार,
नत्र सबै सपना पनि ती अपूरा, हुन सक्छन् ।
मुक्तक -३
इतिहासमा वीर गोर्खालीको नाम रचेकै, हुन् सहिदले
राष्ट्र र राष्ट्रियता बचाउनको निम्ति लडेकै, हुन् सहिदले
हिजो देशमा आमूल परिवर्तन ल्याउन हिँड्दा हिँड्दै,
आफ्नो अमूल्य जीवन बलिदान गरेकै, हुन् सहिदले ।
मुक्तक -४
बिरामी हुँदा झारफुक गर्न भन्दै धामी, आउनेछ
परिवर्तनको आँधीहुरीसँगै ठूलो सुनामी, आउनेछ
अनि मात्र परिवर्तन स्वीकार गर्न सकिन्छ महोदय
जब दलित मर्दा पनि बाहुन क्षेत्री मलामी, आउनेछ ।
मुक्तक -५
जताततै हत्या-हिंसा, बलत्कार बढीरा'छ
सुन्नुस्त रेडियोमा के सामाचार भनिरा'छ
जनताहरु आन्दोलन गर्दै सडकमा उत्रिइसके
अझै सरकार कस्को मुख ताकेर बसिरा'छ ?
- कविता घर्ती मगर
शारदा नगरपालिका -१४
माल्नेटा, धर्खानी सल्यान ।
(कविता घर्ती मगरका यी यी मुक्तकहरुसाहित्यकार गोम बिक्रमले संकलन गर्नु भएको हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www।facebook।com/gom।bicram) मा सम्पर्क गर्नुहोला । नेप्लिज डायस्पोराको फेसबुक पेज https://www।facebook।com/nepalesediaspora/ लाइक गर्न र युट्युब च्यानल https://www।youtube।com/nepalesediaspora लाई सब्स्क्राइब पनि गर्नु होला ।-सम्पादक)
प्रकाशित मिति :चैत्र १८, २०७५ सोमवार -
०७:४३:५३ बजे