पूर्व प्रधानमन्त्री तथा नेपाल कम्युनिष्ट पार्टीका बरिष्ठ नेता माधवकुमार नेपाल पारिवारिक भ्रमणको शिलशिलामा अमेरिका आउदै हुनुहुन्छ । नेता नेपाल भोलि मंगलबार विहान न्युयोर्क आउनुहुने कार्यक्रम रहेको बुझिएको छ । विहान ९ बजे जोन अफ केनेडी अन्तर्राष्ट्रिय विमानस्थलमा नेता नेपालको स्वागतको तयारी भईरहेको प्रवासी नेपाली मञ्च अमेरिकामा महासचिव राधाकृष्ण देउजाले जानकारी दिनुभयो । कोलोराडो जाने क्रममा न्युयोर्कको जोन एफ केनडी विमानस्थलमा अलिक लामो ट्रान्जिट रहेकोले केहि घण्टा वाहिर निस्किएर भेटघाट गर्ने कार्यक्रम तय गरिएको हो । नेता नेपालको अमेरिकाको बसाई जम्मा तीनदिनको रहने जनाइएको छ । ‘जस्तोसुकै व्यस्तताकोबीचमा पनि आफ्ना तमाम कार्यकर्ताहरुदेखि समर्थक शुभेच्छुकहरुसम्म सम्पर्कमा रहन चाहने उहाँको परिचय नै छ । त्यसै अनुसार अमेरिकामा रहँदा सम्भव धेरै साथीहरुसंग सम्पर्कमै रहनु हुनेछ ।’ – देउजाले जानकारी दिनुभयो ।