अमेरिका । एनआरएनए, अमेरिकाको आसन्न निर्वाचनका लागी वोर्ड अफ डाइरेक्टरको पदमा उमेद्वारी दिएका रामहरी खड्काको चर्चा अहिले अलि बढी नै छ । नेपालदेखिको उनको समाजसेवाप्रतिको लगाव र अमेरिकामा पनि देखिएको सक्रियताका कारण उनी सबैको रोजाईमा परेका हुन् । केहि गर्नुपर्छ भन्ने उद्देश्यका साथ खड्का अमेरिकाको मेरिल्यान्ड राज्यको ग्याथेसबर्ग (Gaithersburg) सहरमा विभिन्न सामाजिक संघसंस्थामा रहेर सशक्त रुपमा कार्यसम्पादन गरिसकेको सक्षम युवा पनि हुन् । एनआरएनए अमेरिकाका बिभिन्न कार्यक्रमहरुमा उनले महत्वपुर्ण जिम्मेवारी बहन गरिसकेका छन् । नेपालमा रामेछाप जिल्लाको सुनापति गाउँपालिकामा जन्मेका खड्काको बसाई काठमाडौँको कपुरधारामा पनि छ । संसार कै राम्रा होटेल मध्येको एक 'हिल्टन होटल'मा उनि महत्वपुर्ण जिम्मेवारी सम्हालेर बसेका छन् । अमेरिकाको नेपाली समुदायमा हुने बिभिन्न सामाजिक गतिविधिमा उनले आफ्नो सहभागिता जनाउदै आएका छन् । तीन दशक सामाजिक क्षेत्रमा अनुभव संगालेका रामहरि खड्काले दुबईमा ४ बर्ष रहदा ओमन, बह्ररान जस्ता देशहरुमा नेपाली समाजको संयोजकको रुपमा उत्कृष्ट र इमानदारीपूर्वक सामाजिक क्रियाकलापका विभिन्न क्षेत्रमा काम गरिसकेका छन् । नेपालमा रहदा खड्का सन् २००६ बाट २००७ सम्म रेडियो (HBC) मा सञ्चारकर्मीकाे रुपमा काम गर्दै एम्नेष्टी इन्टरनेस्नल (Amenesty International) बालाजु शाखा अन्तर्गत मानव अधिकारका क्षेत्रमा लामो समयसम्म काम गरेका थिए । अहिले पनि अ्मेरिकामा सो संस्थाको सक्रिय सदस्य २०१५ देखि निरन्तर काम गरिरहेका छन् । अहिले Global Tv Nepal र Nepal America film festival लगायत संस्थामा काम गरिरहेका खड्का प्रवासमा आएर पनि विभिन्न सामाजिक कार्यमा सक्रिय छन् । 'एनआरएनएनसीसी युएसए संस्थामा सक्रिय रही समग्र प्रवासी नेपालीको बृहत्तर हितको लागि समन्वयन गर्नु र सम्बन्धित देशका सम्बन्धित निकायसँग सहकार्य गर्दै नेपाल र नेपालीको पक्षमा विकासका आयामहरुलाई बढाउन भूमिका खेल्नु पनि हो । सँगसँगै प्रवासमा आफ्नो परिश्रम बेच्ने कामदार, बिभिन्न समस्या भएका विद्यार्थी, नेपालीहरुको विषयलाई पनि एनआरएनएमार्फत सम्बन्धित देश र निकायसँग पहल गर्न मेरो अभियान रहने छ' उनले भने । प्रवासमा नेपाली पहिचानलाई जीवन्त राख्दै मातृभमिको उत्थानका लागि समाहित हुने प्रतिवद्धता जनाएका खड्काले एनआरएनएनसीसी युएसएका सम्पूर्ण मतदाताहरूले मतदान गरी विजय गराइदिने विश्वास व्यक्त गरेका छन् ।