मुद्धा मुद्धाको जन्जालमा फसेको एनआरएनए अमेरिका बिरुद्ध फेरी अर्को मुद्धाको तयारी भईरहेको गोप्य सूचना नेप्लिज डायस्पोरालाई प्राप्त भएको छ । निर्वाचनको मिति अति नजिकिदै गर्दा यस्तो तयारी भईरहेको हो । यो पटकको मुद्धा कुनै नेताले होइन सर्बसाधारणले हाल्ने तयारी गरेका हुन् । मंगलबार बिहानैदेखि अमेरिकाका मिडिया र सामाजिक संस्थाहरुमा एनआरएनए अमेरिकाका सदस्यहरुको अति गोप्य र संबेदनशील विवरण केहि उमेद्वारहरुले अनधिकृत रुपमा प्रयोज गरेको चर्चा चलेको थियो । मिडियामा आफ्ना विवरण देखेपछि सर्बसाधारण क्रुद्ध बनेका हुन् । उनीहरुले आफ्नो गोप्य विवरण एनआरएनए अमेरिकाले बाहिर ल्याएको भन्दै मिडियाहरुमा खुलेर बोलिसकेका छन् । "यो एक सिरियस इश्यु हो । पुलिस केस र अदालत जान अबेर गर्न हुन् ।" एक व्यक्तिले भने, "अत्यन्त गोप्य राख्ने प्रतिबद्दता सहित संस्थाले मागेको विवरण हाई सेन्सेटिभ डेटा अन्तर्गत पर्दछ । यसलाई अचानक सार्बजनिक गर्नु एउटा अपराधिक क्रियाकलाप हो ।" चिन्दै नचिनेका व्यक्तिले आफ्ना इमेल र फोनमा निर्वाचन सम्बन्धि म्यासेज पठाउन थालेपछि सर्बसाधारणहरु ससंकित बनेका हुन् । चुनावी दौडाहाका क्रममा मेम्बर डेटाको चर्को चिन्ता ब्यक्त गर्ने अध्यक्ष पदका उमेद्वार संजय थापाको ईमेल र फोनबाट यस्ता प्रचार सामग्री आएको उनलाई नचिन्ने मतदाताले रेडियो कार्यक्रममा खुलेरै बोलेका छन् । शंका गर्नेहरुले जिम्मेवार निकायले पैसा लिएर उक्त डेटा बेचेको पनि बताउने गरेका छन् । निर्वाचन प्रक्रिया र मतदाताको गोपनियताको सम्बेदनशिलतामा शंका गर्दै आजै एनआरएनए अमेरिका हेर्ने अमेरिकाज संयोजक गौरी जोशीले निर्वाचन रोक्न अध्यक्ष केशब पौडेललाई निर्देशन दिईसकेका छन् । यता, एनआरएनए अमेरिकाको आसन्न निर्वाचन निर्धारित तालिका अनुसार नै हुने निर्वाचन समितिका संयोजक बिश्व बरालले जनाएका छन् । "हामी आफ्नो तालिका अनुसार काम गर्छौं । एनआरएनएको अमेरिकाज क्षेत्र हेर्ने रिजनल कोअर्डीनेटर गौरी जोशीले निर्वाचन रोक्न अध्यक्ष केशब पौडेललाई निर्देशन दिएको केहि बेरमा नेप्लिज डायस्पोराले सम्पर्क गर्दा बरालले उक्त जानकारी दिएका हुन् । व्यक्तिको गोप्य विवरण कुनै हालतमा सार्बजनिक नहुने भनेर सदस्यता वितरणका बेला गरिएका सबै प्रतिबद्दताहरुले हावा खाएको र यसको अन्तिम उपचार कानुनी लडाईं नै भएको विचार सर्बसाधारणहरुले ब्यक्त गरिरहेका छन् । एनआरएनए अमेरिकाले यी विवरण सार्बजनिक भएको बारेमा एउटा रेडियो कार्यक्रममा बोल्दै अध्यक्ष केशब पौडेलले "प्रमाण ल्याउनुस कारबाही गर्छु भनेका छन् ।" त्यस बाहेक कुनै संस्थाको आधिकारिक धारणा बाहिर आएको छैन । अब के हुन्छ, त्यो भने हेर्न बाँकी नै छ । रेडियो कार्यक्रम यहाँ सुन्नुहोस https://www.youtube.com/watch?v=Y0vqWvfGNzo