सानफ्रान्सिस्को क्यालिफोर्निया
युएस नेपाल पोलिसी रिसर्च सेन्टरको नयाँ नेतृत्व चयन भएको छ । आगामी ३ वर्षको लागि सर्वसम्मतीबाट डा. राजन पन्त अध्यक्षमा र डा. सुमन पराजुली कार्यकारी सचिवमा चयन हुनु भएको छ ।
यसैगरी कार्यसमितीमा तरुण पौडेल, डा. देशराज संयोक, डा. दीनबन्धु भट्ट, डा. इश्वर श्रेष्ठ, जगदंबा अधिकारी, शृष्टी भट्टराइ र डा. लेखनाथ अधिकारी चयन हुनु भएको छ ।
सेन्टरको चौथो वार्षिक सम्मेलन गत साता युनिभर्सिटी अफ क्यालिफोर्निया बर्क्लेमा सम्पन्न भएको हो ।
अमेरिकामा रहेका नेपाली बैज्ञानिक, बिज्ञ, र ब्यवसायिक ब्यक्तीहरु संलग्न संस्था युएस नेपाल पोलिसी रिसर्च सेन्टरले अमेरिकामा रहेका नेपाली र नेपालका सन्दर्भमा नीतिगत र प्राज्ञिक विषयहरुमा नेपाल र अमेरिकामा काम गर्ने गर्दछ ।
२०१५ मा स्थापित युएस नेपाल पोलिसी सेन्टरले सिकागो, भर्जिनिया, बोस्टन र सान फ्रान्सिस्को शहरमा बिगतमा बार्षिक सम्मेलन गरेको थियो।
