अमेरिकाको बाल्टिमोरमा नेपाली चलचित्र 'तीन घुम्ती' प्रदर्शन हुने भएको छ । चलचित्रका निर्दशक बाबुराम ढकालले नेप्लिज डायस्पोरालाई दिएको जानकारी अनुसार चलचित्र प्रदर्शनबाट संकलन भएको रकम धुर्मुस सुन्तली फाउन्डेशनले चितवनमा निर्माण गरिरहेको गौतम बुद्द अन्तर्राष्ट्रिय क्रिकेट रंगशालालाई प्रदान गरिने छ । 'तीन घुम्ती' नेपाली साहित्यका मूर्धन्य साहित्यकार विश्वेश्वर प्रसाद कोइरालाको कालजयी उपन्यास हो । यही उपन्यासमा आधारित भएर निर्देशक बाबुराम ढकालले अत्यन्त मेहेनतका साथ यो चलचित्र बनाएका हुन् । निर्देशक ढकाल अहिले अमेरिकामा नै छन् । चितवन समाज अमेरिकाले यो चलचित्र प्रदर्शनको ब्यबस्थापन गरेको छ । यो चलचित्रमा गरिमा पन्त, ध्रुब दत्त, र सुशान्त कार्की मुख्य कलाकार रहेको यो चलचित्रलाइ गोपाल प्रसाद सुबेदीले निर्माण गरेका हुन् र पंकज जलन र बाबुराम ढकालले सह निर्माण गरेका हुन् । करन सिंह प्रोडक्सन मेनेजर रहेको यो चलचित्रको कला पक्ष गेहेन्द्र जिमीले हेरेका छन् भने सम्पादन बिपिन मल्लले गरेका हुन् । चलचित्रको सिनेमाटोग्राफर रामेश्वर कार्की रहेका छन् । डाक्टर कृष्णहरी बरालको गीत र बसन्त सापकोटाको संगीत संयोजन रहेको चलचित्र राकेश अदुकियाले प्रस्तुत गरेका हुन् । चलचित्र प्रदर्शनको आयोजना गरेको चितवन समाजले सार्बजनिक गरेको सूचना नेपालमा हामी सबै नेपालीको लागि गौरवको विशाल परियोजना संपन्न हुॅंदैछ । धुर्मुस सुन्तली फाउन्डेशनद्वारा चितवनमा निर्माण भइरहेको गौतम बुद्द अन्तर्राष्ट्रिय क्रिकेट रंगशालाको निर्माण कार्य संपन्न गर्न आर्थिक सहयोग जुटाउने उद्देश्यले यही फेब्रुअरी २ देखि ९ सम्म पण्डित दिनबन्धु पोखरेलको पुराण वाचन सहित धन-धान्याचल (महायज्ञ) लगाउने कार्यक्रम रहेको छ। राष्ट्रिय गौरवको यो परियोजनालाई सहयोग गर्न चितवन समाज अमेरिका (डीसी मेट्रो क्षेत्र) ले पनि धन-धान्याचल (महायज्ञ) को लागि आर्थिक सहयोग संकलन कार्य शुरू गरेको छ । उक्त अभियानलाई थप सहयोग गर्न हामीले नेपाली साहित्यका मूर्धन्य साहित्यकार विश्वेश्वर प्रसाद कोइरालाको कालजयी उपन्यासमा आधारित र बाबुराम ढकालद्वारा निर्देशित चलचित्र “तीन घुम्ती” प्रदर्शन गर्न लागेका छौॅं। उक्त चलचित्र हेर्न पाल्नुहुन सविनय अनुरोध गर्दछौॅं । आनन्दकृष्ण घिमिरे अध्यक्ष 410-949-0144 विष्णु बराल महासचिव 706-247-3855 मिति: January 26, Sunday समय: साॅंझ ६ बजे स्थान: Horizon Cinemas Beltway Plaza 7660 Belair Rd Baltimore, MD २१२३६ टिकट डर $1५