पाल्पा, असोज १८ गते । मञ्जुश्री साहित्य समाजको आठौँ अधिवेशन तथा साधारण सभा आइतबार नागार्जुन नगरपालिका-१, रानीवनस्थित रानीवन पार्टी प्यालेसमा भव्य रूपमा सम्पन्न भएको छ।
प्रा. डा. प्राज्ञ वीणा पौडेलको प्रमुख आतिथ्यता तथा समाजका अध्यक्ष डा. बमबहादुर थापा जितालीको अध्यक्षतामा आयोजित सो कार्यक्रममा विशेष कविता वाचनसमेत गरिएको थियो।
अधिवेशनले डा. बमबहादुर थापा जितालीको अध्यक्षतामा नयाँ कार्यसमिति निर्विरोध/सर्वसम्मत रूपमा चयन गरेको छ। निर्वाचन आयुक्त श्रीराम सिंह बस्नेतका अनुसार नवनिर्वाचित कार्यसमितिका पदाधिकारी तथा सदस्यहरू निम्न अनुसार रहेका छन्:
नवनिर्वाचित कार्यसमिति:
अध्यक्ष: डा. बमबहादुर थापा जिताली
उपाध्यक्ष: निरप्रसाद तिमलसेना
सचिव: वीरबहादुर लोहनी
कोषाध्यक्ष: हरिप्रसाद घिमिरे
सदस्यहरू:
टेकबहादुर लौडारी
इन्दिरा शाह
प्रभा बराल
रामरञ्जन पौडेल
शान्ता देवकोटा
कल्पना न्यौपाने (देवकोटा)
सरला ओझा
संस्थाका सचिव वीरबहादुर लोहनीले सञ्चालन गर्नुभएको उक्त कार्यक्रममा देशका विभिन्न चर्चित स्रष्टाहरूको उपस्थितिमा विशेष कविता वाचनका साथै संस्थाको आगामी कार्यदिशा र साहित्यिक गतिविधिबारे छलफल तथा अन्तरक्रिया समेत गरिएको थियो।
.png)
