पाल्पाली संगम अमेरिकाको पहिलो अधिवेशन सम्पन्न भएको छ । मन्त्रि परिषदका पूर्व अध्यक्ष तथा पूर्व प्रधानन्यायाधिश खिलराज रेग्मीले उदघाटन गर्नुभएको अधिवेशनले महेश भट्टराईको अध्यक्षतामा नयां कार्य समिति चयन गर्दै सम्पन्न भएको हो ।

नव निर्वाचित कार्यसमितिमा उपाध्यक्ष परशु नेपाल, महासचिव केशव तिमिल्सिना, सचिव शुशील पंगेनी र कोषाध्यक्ष जितेन्द्र बिक्रम राणा रहेका छन् ।

त्यस्तै सदस्यहरुमा ई. शंकर कार्की, डा. विनय खनाल, सुन्दर घिमिरे, अर्जुन पौडेल, दिनेश शाक्य, बाबुराम देवकोटा रहेका छन् । समितिको एजुकेशनल डाईरेक्टरमा डा. धर्म आचार्य, हेल्थ डाईरेक्टरमा डा. सन्दिप पाण्डे र आईटि डाईरेक्टरमा मधु नेपाल रहेका छन् ।

महेन्द्र पाण्डे, डिबि सागर विश्वकर्मा र नेत्र पाण्डेको निर्वाचन समिति रहेको थियो ।

उद्घाटन कार्यक्रममा प्रमुख अतिथी रेग्मीले संसारमा जहां पुगेपनि आफ्नो जन्मभूमीप्रति माया देखाईरहनु सबैभन्दा ठुलोकुरा हो भन्ने विचार व्यक्त गरे ।

पाल्पा क्षेत्र नम्बर २ का सांसद ठाकुर गैरेले राष्ट्रियताको बिषय कमजोर बनेको बर्तमान परिस्थितीमा पाल्पाली संगमजस्तै संस्थाहरुको आवश्यकता रहेको बताए ।

कार्यक्रममा भूमीसुधार तथा गरीबि निबारण मन्त्रालयका सचिव दामोदर रेग्मीले र नेपाली कांग्रेस पाल्पाका सभापती हिमालदत्त श्रेष्ठ पनि शुभकामना व्यक्त गर्नुभएको थियो ।

पाल्पाली संगमका अध्यक्ष बिष्णु बहादुर खत्री, पूर्व अध्यक्ष पदम न्यौपाने र अन्तराष्ट्रिय संयोजक सतीश चापागाई रबेलायतका संयोजक बाचस्पती रेग्मी लगायतका व्यक्तित्वहरुले संगमको आवश्यकता, बर्तमान गतिबिधी र भावी योजनाका बारेमाअधिवेशन उद्घाटनका क्रममा बोल्नु भएको थियो ।

सचिव मधु नेपालले संचालन गरेको कार्यक्रममा यो दुई बर्षमा गरिएका कामहरुको प्रतिवेदन पनि प्रस्तुत गरिएको थियो ।