जाजरकोट जिल्लाको बारेकोट गाउँपालिका वडा नम्बर ६ मा रहेको श्री सीता माध्यमिक विद्यालयमा अध्ययनरत ५०० जना विद्यार्थीहरू लाई शैक्षिक सामग्री तथा न्यानो कपडा वितरण गरेको छ । वैशाख ४ गते विद्यालयको प्राङ्गणमा एक कार्यक्रमको आयोजना गरी उक्त सेवा कार्य गरेको थियो ।

उक्त कार्यक्रममा प्राज्ञिक विद्यार्थी परिषद् नेपालका राष्ट्रिय संगठन सचिव श्री नारायण प्रसाद ढकालज्यू, ओरेगन नेपाली समाज, अमेरिकाका अध्यक्ष श्री नारायण गुरुङज्यू, सीता माध्यमिक विद्यालयका प्राचार्य श्री गोरख बहादुर सिंहज्यू, विद्यालय व्यवस्थापन समिति अध्यक्ष टेकेन्द्र नेपालीज्यू, विद्यार्थी परिषद्का सगरमाथा र जानकी प्रदेश संगठन सचिव तथा केन्द्रीय विश्वविद्यालय कार्य प्रमुख श्री छितराज न्यौपानेज्यू, विद्यार्थी परिषद्का सुदूरपश्चिम र कर्णाली प्रदेश संगठन सचिव तथा राष्ट्रिय जनजाति कार्य प्रमुख श्री चन्द्रशेखर जोशीज्यू,बारेकोट ५ नम्बरका वडाअध्यक्ष श्री गोरख बहादुर थापाज्यू, केन्द्रीय सदस्य प्रकाश शर्माज्यू, विरिजित बोहराज्यू, कर्णाली प्रदेश कार्य समिति सदस्य नवीन गिरीज्यू, बिष्णु कार्कीज्यू, विद्यालयका शिक्षक, अभिभावक तथा जनप्रतिनिधिज्यू लगायत उल्लेखको उपस्थिति रहेको थियो ।

प्राचार्य गोरख बहादुर सिंहज्यूले विद्यार्थीहरूको शिक्षण सिकाई क्रियाकलापमा टेवा पुर्‍याउने कार्यक्रम जाजरकोट जिल्लाको एकदम विकट बारेकोट गाउँपालिका ६ नम्बर वडामा रहेको आफ्नो विद्यालय श्री सीता माध्यमिक विद्यालयमा गरेकोमा प्राज्ञिक विद्यार्थी परिषद् नेपाल र ओरेगन नेपाली समाजलाई धन्यवाद एवम् आभार प्रकट गर्नुभयो ।

उक्त कार्यक्रममा ओरेगन नेपाली समाज अमेरिकाका अध्यक्ष श्री नारायण गुरुङज्यूले जाजरकोटमा भुकम्प जादा विदेशमा रहेका नेपालीहरूको मुटु कामिरहेको र भुकम्प प्रभावित विद्यार्थीहरूलाई सानो भएपनि सहयोग गर्न र प्रत्येक्षरूपमा भेट्न पाउदा आनन्द आएको बताउनुभयो ।
परिषद्का राष्ट्रिय संगठन सचिव श्री नारायण प्रसाद ढकालज्यूले विद्यार्थीहरू राष्ट्रका वर्तमान र भविष्य भएकाले असल व्यक्ति निर्माणमा सबैले विशेष ध्यान दिनुपर्ने बताउदै विद्यार्थी परिषद्ले निरन्तर सेवा कार्य गरिरहेको उल्लेख गर्नुभयो । उक्त शैक्षिक सामग्री विद्यालयसम्म ल्याउन सहयोग गर्ने सबैलाई धन्यवाद दिदै आफ्नो मन्तव्य राख्नुभएको थियो ।

उक्त कार्यक्रममा विद्यार्थी परिषद्का राष्ट्रिय संगठन सचिव श्री नारायण प्रसाद ढकालज्यू र ओरेगन नेपाली समाज अमेरिकाका अध्यक्ष श्री नारायण गुरुङज्यूलाई अभिनन्दन तथा सम्मान पत्र सहित विद्यालय परिवारले सम्मान गरेको थियोे ।