अमेरिकाको टेक्सास राज्यको ह्युस्टन शहरमा २१ बर्षिय मुना पाण्डेलाई गोली हानी हत्या गरेका छन् । उनको नेपालको घर भोजपुर रहेको थाहा भएको छ । उनी करिव ३ बर्ष पहिला विद्यार्थी भिजामा अमेरिका आएकी थिईन् भने कम्युनिटी कलेजमा इन्टर्नेसनल स्टुडेन्टको रुपमा अध्ययनरत थिईन् ।

सोमबार अपरान्ह अपरिचित नम्बरबाट उनी बस्ने हिल्क्रफ्ट स्थित अपार्ट्मेन्टको अफिसमा फोन गरेर त्यो कोठामा मृत शरीर छ भनेर कसैले सुचना दिएका थिए । त्यसैका आधारमा स्थानिय प्रहरी बोलाएर हेर्दा मुनाको मृत शरीर भेटिएको थियो । कस्ले, किन र कुन समयमा उनलाई गोली हानिएको थियो भन्ने कुरा खुली सकेको छैन । अनुसन्धान चलिरहेको छ ।

नेपालमा रहेकी उनकी आमालाई सम्पर्क गर्दा छोरी केही समयदेखी एउटा स्वयत केटा सँग प्रेम सम्बधमा रहेको जानकारी दिएकी छिन् । प्रहरीलाई ह्युस्टन नेपाली समाजले अनुसन्धानमा सघाई रहेको र नेपालका उनका अविभाबकसँग पनि सम्पर्क गरीरहेको बुझिएको छ ।

उनी पहिला नेपाली साथीहरू सँगै मिलेर बसेको भएतापनि पछिल्ला दिनहरूमा भने ती साथिहरू सँग बस्दैनथिन् । तर, कोसँग बस्थिन् भन्ने कुरा भने खुलेको छैन । उनको कोठा बाहिर र एपार्ट्मेण्टको मुल गेटमा भएको सर्भाइलेन्स क्यामराको फुटेज प्रहरीले लागि सकेको हुंदा घटनाको सत्य तथ्य छिट्टै नै बाहिर आउने कुरामा ढुक्क हुन सकिन्छ ।