अन्तर्राष्ट्रिय नेपाली साहित्यसमाज डी. सी. मेट्रो च्याप्टर कार्यसमितिको निर्वाचनबाट नीलकण्ठ सुवेदी निर्विरोध निर्वाचित भएका छन् । निर्वाचन तालिका अनुसार उम्मेदवारी दिने अन्तिम दिन गत बुधबार, नोभेम्बर १३ साँझ ६ बजेसम्म देहायका आजीवन सदस्यहरुबाट उम्मेदवारीको रितपूर्वक आवेदन परेको र अध्यक्षलगायत सबै पदमा एकभन्दा बढी उम्मेदवारको दरखास्त नपरेको तथा अनेसासको विधान सातौँ संशोधन २०२१, को व्यवस्थाअनुसार च्याप्टर कार्यसमितिका सदस्य पदमा बढीमा ११ जना निर्वाचित हुन सक्ने भए पनि सदस्य पदमा ६ जना उम्मेदवारको मात्र दरखास्त परेअनुसार गत बिहीबार, नोभेम्बर १४ मा दरखास्त परेका उम्मेदवारको पहिलो सूची प्रकाशित गरी हिजो शुक्रबार नोभेम्बर १५ को साँझ ५ बजेसम्म दावीविरोधका लागि समय दिइकामा कसैको दावीबिरोध नभएको निर्वाचन समितिले जानकारी गराएको छ ।

समितिका अनुसार यही नोभेम्बर २०, बुधवार निर्वाचन कार्यक्रम भए पनि कुनै पनि पदमा एकभन्दा बढीको उम्मेदवारी नपरेका कारण निर्वाचन गर्न नपर्ने गरी तपसिलका उम्मेदवारहरु निर्विरोध निर्वाचित भएको जनाइएको छ । निर्वाचन प्रक्रियालाई सहज बनाउन सहयोग गर्ने सबै पक्षलाई निर्वाचन समितिले धन्यवाद ज्ञापन गरेको छ ।

Photo credit: INLS