पाल्पा जेठ १४ गते । साहित्यका विभिन्न विधाहरूमा कलम चलाउँदै आउनुभएकाे लेखक बालकृष्ण गजुरेलको नविनतम उपन्यास ‘मञ्जरा’ सार्वजनिक भएको छ ।
शनिबार सिन्धुपाल्चोकमा आयोजित कार्यक्रममा लेखकका वयोवृद्ध पिता दुर्गाप्रसाद गजुरेलले उक्त कृतिको औपचारिक रुपमा लोकार्पण गर्नुभएको हो ।
प्रेम तथा रोमाञ्चमा आधारित यस उपन्यासमा महिला पात्रको वर्चस्व प्रस्तुत गरिएको छ । लेखक गजुरेलका अनुसार कृतिले महिला सशक्तीकरणलाई मुख्य विषयवस्तुका रूपमा उठान गरेको छ ।
उपन्यास ‘मञ्जरा’ बुकान्त पब्लिकेसन, सिलिगुढीद्वारा प्रकाशित गरिएको हो ।
.png)
