ए.के फाउन्डेशनका अध्यक्ष कुल गुरुङको यो दशैं टिका नलगाई नै गएको छ । जुठो परेकोले त्यसो भएको हो । त्यसो त अघिल्ला ४ बर्ष पनि उनको यस्तै भएको थियो । "हाम्रो ठुलो परिवार छ, प्राय टिका लगाउन पाईदैन ।" गुरुङले भने ।   टिका नभएपनि सात समुन्द्र पारी यो जुरेको अवसर त्यसै गएन । राँगोको मासुका परिकार बनाएर भने खाईछाडे । पारिवारिक रमाइलो पनि भयो ।   त्योभन्दा पनि कुल गुरुङले यहि दशैंमा बाल्टिमोरमा भब्य दशैं शुभकामना साँझ सम्पन्न गरे । श्रीमती आशा र आफ्नो नाममा स्थापना गरेको सामाजिक संस्था ए.के फाउन्डेशनको लागी कोषमा सहयोग रकम संकलन गर्ने उद्देश्यले यो कार्यक्रम भएको थियो ।   चर्चित नेपाली कलाकारहरुको प्रस्तुति रहेको यो कार्यक्रमबाट उठेको रकम नेपाल र अमेरिकामा आपतमा परेका नेपालीको सहयोगमा लगाउने यो संस्थाको उद्देश्य छ ।   टिका लगाउन नपाएपनि खानपिन र सामाजिक काममा यो दशैं कुल गुरुङका लागि राम्रै भयो ।