सबैतिर क्रिसमसको रनक छाईरहंदा बाल्टिमोर क्षेत्रमा बसोबास गर्ने नेपाली क्रिष्टियनहरुले पनि क्रिसमस मनाएका छन् । कार्यक्रममा डा. मनोज श्रेष्ठले क्रिसमसको संदेश दिनु भएको थियो । परमेश्वोरलाई प्रेम, आफुलाई प्रेम र छिमेकीलाई प्रेम नै ख्रीष्ट प्रेमको सुसमाचार भएको उहाँले बताउनु भयो । बाल्टिमोरमा रहेको नेपालीको चर्चमा झन्डै तीनसय नेपालीको सहभागिता थियो । कार्यक्रममा मेरिल्याण्ड राज्यका प्रतिनिधि सभासदस्य ह्यारी भण्डारी यो दिनको बारेमा बोल्नु भएको थियो । सो अवसरमा एनआरएन अमेरिकाका अध्यक्ष दुर्गाप्रसाद श्रेष्ठ, म्याग्दी समाज अमेरिकाका अध्यक्ष अमर छन्त्याल र ब्यबसायी क्रिस घिमिरे समेतको उपस्थिति थियो । कार्यक्रममा अर्जुन हमालले स्वागत गर्नु भएको थियो भने कलाकारहरु लक्ष्मण पौडेल र कल्पना देवकोटाले गीतका मार्फतबाट मनोरंजन प्रदान गर्नुभएको थियो । कार्यक्रममा चर्चद्वारा संचालित सन्डे कक्षाका बिद्यार्थीहरुले नाटक प्रदर्शन गरेका थिए ।