नेपाली जनसम्पर्क समिति अमेरिकाको कन्फरेन्स बैठक संस्थाको सभापति आनन्द बिष्टको अध्यक्षतामा यही फेब्रेवरी 3, 2019 आइतवारको दिन बस्यो । उक्त बैठकबाट पारित केहि बिषयलाई विस्तारमा प्रेसित गरिएको छ । १. सत्तारूढ नेपाल कम्युनिष्ट पार्टीका अध्यक्ष पुष्पकमल दाहाल प्रचण्डले केही समय अगाडि भेनेजुएलाको राजनीतिक प्रकरणलाई कटु आलोचना गर्दै लेखेको वक्तब्य प्रति संगठनको गम्भीर ध्यान आकृष्ट भएको छ । नेपाल र नेपालीसँग खासै सम्बन्ध र साइनो नभएको देश भेनेजुएकाका लागि, बर्षौं पुरानो कूटनीतिक सम्बन्ध स्थापित भएको राष्ट्र तथा राजनीतिक बिचार, पद्धति विकास र विधिको शासनको दृष्टिले विशिष्ट सम्बन्ध भएको मुलुक अमेरिकासँगको सम्बन्ध नै बिगार्ने गरी आएको सत्तारूढ कम्युनिष्ट पार्टीका अध्यक्षकाे यस्ता गैरकूटनीतिक अपरिपक्क विज्ञप्ती र त्यसलाई वैधानिकता दिने सरकारको प्रष्ट्रीकरण प्रति नेपाली जनसम्पर्क समिति अमेरिका आपति प्रकट गर्दै, घोर भर्त्सना गर्दछ। यस्ता विज्ञप्ति असंवेदनशील मात्र होइन, नेपालको राष्ट्रिय हित विपरीत भएको ठहर पनि हाम्रो संगठनको छ । त्यसैले लोकतान्त्रिक मुलुक नेपालको विकासका लागि मुख्य सहयोगी र लाखौ नेपाली वसोवास गर्ने राष्ट्र अमेरिकाबीचको सम्बन्धमा चिसोपन ल्याउँने यस्ता खाले कुनै पनि गतिविधि नगर्न संगठनले नेपाल सरकार र सत्तारुढ कम्युनिष्ट पार्टीसंग आग्रह गरेको छ । २.संसदीय सर्वोच्चता र मर्यादाको धज्जी उढाउँदै, लोकतान्त्रिक मुल्य, मान्यता र स्थापित विधिलाई मिचेर गरेका निर्णय, ब्यवहार र सरकारी नितिलाई हेर्दा वर्तमान सरकार कम्यूनिष्ट अधिनायकवाद उन्मुख भएको ठहर हाम्रो संगठनको छ । यो अधिनायकवादी सरकारले बहुमतको दम्भमा बल प्रयोग गरेर, राष्ट्रिय चिकित्सा शिक्षा विधेयक पारित गर्नु, मुलुकको ऐतिहासिक परिवर्तनका धरोहर स्वर्गीय नेताहरू गिरिजाप्रसाद कोइराला र सुशील कोइरालाका नाममा रहेका अस्पताललाई खारेज गर्ने प्रपञ्च रच्नु, संवैधानिक परिषद्मा विपक्षी दलको नेतालाई छलेर मनपरी नियुक्ति गर्नु, कञ्चनपुरकी १३ वर्षीया बालिका निर्मला पन्तको बलात्कार र जघन्य हत्याका दोषीलाई संरक्षण गरी निर्दोष व्यक्तिलाई चरम यातना दिएर जबरजस्ति अपराध कबुल गराउने दुष्प्रयास गर्नु, प्रेस तथा अभिव्यक्ति स्वतन्त्रतामाथि ठाडो हस्तक्षेप गर्नु लगायत संविधानको मर्म र भावनालाई कुल्चिएर गरेका अनेकौं अधिनायकवादी रबैया,हर्कत र निर्णयहरूको नेपाली जनसम्पर्क समिति अमेरिकाले घोर निन्दा र बिरोध गर्दै, मातृ पार्टी नेपाली काँग्रेसले संसद र सडकबाट तथा पार्टीको अन्य भातृ र शुभेक्छुक संगठनहरूले सडकबाट गर्दै आएको र गर्ने सबैखाले विरोधका कार्यक्रमप्रति ऐक्यवद्धता जनाएको छ । ३.गैर आवासीय नेपाली संघ राष्ट्रिय समन्वय परिषद अमेरिकाको आगामी निर्वाचनका लागि सदस्यता लिनका निमित्त सम्पूर्ण अमेरिकावासी नेपालीहरूलाई संगठनले बिशेष आग्रह गर्दै, TPSको बारेमा पनि सम्बन्धित निकायसँग पहल गर्ने भएको छ ।साथै पार्टीको हालै काठमाण्डौमा सम्पन्न महासमिति बैठकबाट विदेश स्थित जनसम्पर्क समितिहरूको हकमा लागुहुने पारित विधानलाई केही सहजिकणको लागि पार्टिको केन्द्रीय कार्यसमिति समक्ष समितिले आग्रह गरेको छ । । धन्यवाद , जय नेपाल मुनिन्द्र नेम्बाङ महासचिव नेपाली जनसम्पर्क समिति अमेरिका Date:-02/04/2019.